മനുഷ്യൻ 65

ഇന്നലെ കത്തിയെടുത്ത് ഒരു കുത്ത്
കുടലും ഹൃദയവും എല്ലാം കൂടി പുറത്ത് വന്നു
കുത്തിയ ഇടത്ത് കുറച്ച് ഉപ്പും മുളകും ചേർത്ത് പുരട്ടി
എന്നിട്ട് എല്ലാം വേകുന്ന തിളച്ച എണ്ണയിലേക്ക്
ശരീരം കുറെശ്ശെയായി വെന്ത് വെന്ത് ഞാൻ
പുറത്ത് വന്നു.
കൈകൾ വിടർത്തി തല കുമ്പിട്ട്
നാണയത്തിന്റെ കിലുക്കത്തിനു ചെവിയോർത്ത് നിന്നു
കൂട്ടുകാരേ വേഗം വരണം കോഴി കൂവും മുൻപു തീർക്കണം
ആത്മാർത്ഥ സുഹൃത്ത് ആദ്യമെ വറുത്ത തലച്ചോറ് തിന്നു
പിന്നെ കുറെശ്ശെയായി കണ്ണും മൂക്കും ചെവിയും
അവർ എന്നെ തന്നെ തിന്നു തീർത്തു.
ഇനി കാണാതെ കേൾക്കാതെ
മിടിപ്പുകളില്ലാതെ
ഉയിർത്തെഴുന്നേൽക്കണം
പുതിയ നിയമങ്ങളുടെ
സുവിശേഷ സൌഹൃദങ്ങളുമായി....